Cavei d'argent, souris seren:            
te se la mameta de tuti i temp,      
bela m'el su, oeucc cuntent              
nel me coeur sculpida                    
te se tuta la me vita.                   

Ricordi, quando seri piscinin            
che te me ninavet sui ginoeucc,
e cun una vouseta fina fina,
te me cantavet una cansuneta.

A mo, incoeu me vegnen in ment
i sgiafett e i basin che te me davet,
perchè bun o sbarasin:
l'era quest el mod per fam capì
el rispett de ialter e de ti.

Quand per strada vedi una duneta
o una mama con un fiulin,
te me vegnet in ment,
ciciari in de per mi
come se ti te fusset li
a damm un cunsili
o una resun.

Me se impieniss el coeur
de tanti bei mument pasà insema,
come tanti quadretin stampà a culur
cun raffigurà un avveniment
a testimunià el to amour.